Ծնվել է

2001 թվականի հուլիսի 10-ին Լոռու մարզ, ք. Վանաձորում։ 

Նրա կյանքն անբաժան էր երաժշտությունից

Նա ստեղծագործում էր, գրում երգեր ու բանաստեղծություններ, նվագում էր շուրջ 6-7 երաժշտական գործիք։

Ժամանակը սիրում էր անցկացնել

Ընտանիքի և ընկերների հետ։ Իր ջերմ վերաբերմունքով ու անկեղծությամբ կարողանում էր միավորել մարդկանց և ուրախություն պարգևել նրանց։

Բացառիկ բարի, ազնիվ և ընկերասեր էր

Երբեք անտարբեր չէր անցնում օգնության կարիք ունեցողի կողքով և միշտ պատրաստ էր ձեռք մեկնել բոլորին։

Երազանքն էր դառնալ միսիոներ

Ցանկանում էր շրջել աշխարհով մեկ և իր երգով ու կիթառով մարդկանց փոխանցել Աստծո խոսքն ու սերը։

Տարբեր հետաքրքրություններ ուներ

Պատրաստվում էր դառնալ բժիշկ, միաժամանակ, սիրում էր փայտագործությամբ զբաղվել: Սիրում էր գրիչներ հավաքել:

Մի գեղեցիկ սովորություն ուներ

Առավոտյան արթնանալիս ու քնելուց առաջ անպայման նվագում էր՝ օրը սկսելով և ավարտելով երաժշտությամբ։

Վերջին զրույցը 2020 թվականի սեպտեմբերի 26-ին

Խոսել է ընտանիքի բոլոր անդամների հետ: Հրաժեշտ տալիս տատիկին խնդրեց. 

«Եթե ինձ որևէ բան պատահի, ոչ ոքի չմեղադրեք, ուժեղ կմնաք և կշարունակեք ապրել հավատքով…»։

Վերջին մարտը

2020 թ. սեպտեմբերի 28, Մարտակերտ։