Ծնվել է
1988 թ․ օգոստոսի 8-ին Կոտայքի մարզի Հրազդան քաղաքում։

Հետաքրքրությունների աշխարհը
Բազմաժանր տղա էր։ Շախմատ, ֆուտբոլ, հոկեյ, լող։ Նաև գիշերային ֆիլմեր, ընթերցանություն, մտորումներ։

Սիրում էր ստեղծել
Մասիս սարն էր կրկնում տետրերի մեջ։ Գրելը նրա տիրույթն էր։ Օրվա ժամ չուներ։ Գիշերվա կեսին կարող էր վեր կենալ ու գրել։

Նվագում էր պատերազմի դաշտում
Շուշիում կիթառ էր գտել։ Ու միայն զենքով չէր զինված՝ նաև հնչյուններով։ Մարտի ժամանակ նվագում էր՝ գուցե հոգին խաղաղեցնելու։

Երազանքները
Ընդունվել էր Հայ-ռուսական համալսարանի ծրագրավորման բաժին։ Սովորելու, ստեղծելու ու ծրագրեր կառուցելու սպասում ուներ։

Վերջին խոսքերը
«Քո համար եմ գնացել… մսաղաց է, չգա՛ք», այդպես ասաց քրոջը։ Զգոն էր, լուրջ, բայց և հոգատար։ Խնդրեց, որ երեխաներին լավ նայեն։

Վերջին մարտը
2020 թ․ նոյեմբերի 2-ին շրջափակման մեջ էին հայտնվել։ Քսաներեք հոգով երեք խմբի բաժանվեցին։ Երբ երեք հարյուր հոգանոց թշնամին մոտեցավ, ասաց՝ գնացե՛ք, ես թիկունքը կպահեմ։ Կռվեց մինչև վերջ։