Ծնվել է
1996 թ․ հուլիսի 15-ին Շիրակի մարզի Մայիսյան գյուղում։

Սպորտն ու նվաճումները
Գիմնաստիկայով էր զբաղվում, ուներ բազմաթիվ մեդալներ։ Սպորտը նրա մեջ կոփել էր տոկունություն և ուժ, որ հետագայում արտահայտվեցին նաև մարտի դաշտում։

Ընտանեկան ջերմությունը
Երեք քույրիկների միակ եղբայրն էր, բոլորի հենարանը։ Սիրում էր անցկացնել ժամանակը ընտանիքի հետ, հատկապես՝ քույրերի։

Սիրված ու հարգված
Բոլորն ասում էին՝ նա այն ընկերն էր, ով կզոհվեր քեզ համար։ Միշտ պատրաստ՝ օգնելու ու սատար կանգնելու յուրաքանչյուրին։

Երազանքները
Ցանկանում էր գեներալ դառնալ, ամուսնանալ, ընտանիք կազմել։ Իր նպատակները կապված էին ոչ միայն սեփական երջանկության, այլ հայրենիքի ապագայի հետ։

Հայրական խոսակցություն
Հոկտեմբերի 29-ին հոր հետ զրույցի ժամանակ ասաց․ «Ինչի՞ց վախենամ, պա՛պ։ Մի օր ծնվել եմ, մի օր էլ պետք է մահանամ»։ Հորը ուղարկում էր վիրավոր զինվորների հետևից, ասում էր՝ գտի, տեր կանգնի։

Վերջին մարտը
Հորաթաղում էր ծառայում, բայց պատերազմի լուրն իմանալուն պես, արձակուրդը կիսատ թողնելով, մեկնեց ռազմաճակատ։ Երեք ժամում Գյումրիից հասավ Մարտակերտ։ Զոհվել է 2020 թ․ հոկտեմբերի 29-ին։