Ծնվել է
2000թ. ապրիլի 18-ին ԼՂՀ` Ճարտար քաղաքում։

Նրան ոգեշնչում էր
Բարի գործեր կատարելը և մարդկանց օգնելը։

Նրա մասին ընկերների ու հարազատների կարծիքը
Բոլորը խոսում են նրա բարության մասին՝ հոգատար, ազնիվ և սիրալիր, ուներ շատ լավ հումոր։

Ժամանակը սիրում էր անցկացնել
Ընկերների և փոքր երեխաների հետ։ Նա նաև ուներ սիրած էակ։

Երազանքները
Եթե Վիգենը լիներ ամենակարող, նա բոլորի մեջ բարություն կներարկեր, իսկ աշխարհում պատերազմներ չէին լինի։ Նա ասում էր. «Եթե ես լինեմ հայրիկ, ապա կլինեմ ամենալավ հայրը»։

Կարևոր փաստեր և սովորություններ
Մաթեմատիկան և սպորտով զբաղվելն իր մոտ լավ էին ստացվում։

Վերջին խոսքերը
Վիգենը մայիսի 25-ին զրուցել էր մայրիկի հետ դեմառդեմ։ Սեպտեմբերի 25-ին երեք եղբայրներով գնացել էին պատերազմ։ «Մա՛մ, բա ո՞վ է պաշտպանելու մեր երկիրը, ամեն ինչ լավ է, հասել եմ». ասել էր վերջին խոսքերը։ Հոկտեմբերի 7-ին զանգել էր վերջին անգամ ու ասել, որ լավ է։

Վերջին հերոսական մարտը
Եղել է Ջրականում՝ 2020թ. հոկտեմբերի 9-ին, Թոզարանում, որ իր կամքով է գնացել մի խումբ կամավոր հրետանավորների և հրամանատարների հետ։ Իր 4 ընկերների հետ ոչնչացրել է թշնամու զինտեխնիկան։