Ծնվել է
1991 թ․ հուլիսի 8-ին Լեռնային Ղարաբաղի Ստեփանակերտ քաղաքում։
Մեծացել է պատերազմի միջով անցնող Արցախում՝ վառ հետաքրքրասիրությամբ։

Մանկության ձայնը
6 տարեկանից տեխնիկա էր քանդում ու նորից հավաքում։ Ձեռքերով հասկանում ու ճանաչում էր աշխարհը։

Ուսման ուղին
Սովորել է մի քանի ոլորտում, բայց սիրելի ոլորտը մնաց ՏՏ-ն։ Նոր գաղափարների հետ անդադար զարգանում էր։

Ուսուցչի կերպարը
«Արմաթ»-ի լաբորատորիայում սովորեցնում էր սիրով։ Իր աշխարհը դարձրել էր ուրիշների կրթության աղբյուրը։

Կամավոր մեկնեց ռազմաճակատ
Ամեն հանձնարարություն կատարում էր լրջությամբ ու խիզախությամբ։

Վերջին մարտը
2020 թ․ հոկտեմբերի 28-ին, Կարմիր Շուկայում։ Զոհվել է ԱԹՍ-ի հարվածից։

Քրոջ խոսքը
Հպարտ ու երջանիկ եմ, որ Ալբերտի քույրն եմ։ Եղբայրս իմ ուժն էր։

Մարդը չի կարող բոլորի համար լավը լինել,
Սակայն Ալբերտին սիրում էին բոլորը։

Ընկերների հուշերում
Բարի էր, բացառիկ, գյուտարար։ Արհեստանոցը դատարկվել է առանց իրեն, բայց Ալբերտի նկարը մնացել է պատին։

Մոր խոսքը
«Ալբերտի մասին անցյալով չեմ խոսում։ Նա ինձ հետ է և միշտ կմնա՛… »։