Հաճախ տրվող հարցեր (ՀՏՀ)

Ե՞րբ է հիմնադրվել ԶԻՆԱՊԱՀԸ եվ ի՞նչպես է կառավարվում

Ո՞րն է ԶԻՆԱՊԱՀԻ առաքելությունը

Ի՞նչ արժեքներով է առաջնորդվում ԶԻՆԱՊԱՀԸ

Ինչպե՞ս են գոյանում ԶԻՆԱՊԱՀԻ միջոցները

Ո՞ր թվականից սկսած դեպքերի մասով է ԶԻՆԱՊԱՀԸ ֆինանսական հատուցում տրամադրում

Ովքե՞ր են իրավասու ստանալ ֆինանսական հատուցում ԶԻՆԱՊԱՀԻՑ

Ովքե՞ր կարող են դառնալ ԶԻՆԱՊԱՀԻ շահառու զինծառայողի զոհվելու կամ անհայտ բացակայող ճանաչվելու դեպքում

Զինծառայողի զոհվելու կամ անհայտ բացակայող ճանաչվելու դեպքում շահառու են համարվում․

զինծառայողի ամուսինը զավակը/զավակները ծնողը/ծնողները հատուցման դեպքը տեղի ունենալու օրվա դրությամբ՝ 18 տարին չլրացած կամ անգործունակ ճանաչված կամ մինչև 23 տարեկան առկա ցերեկային ուսուցմամբ սովորող ուսանող քույրը և եղբայրը, ինչպես նաև զինծառայողի խնամքի տակ գտնված 18 տարեկան և դրանից բարձր տարիքի հաշմանդամ քույրը և եղբայրը, եթե հաշմանդամ են ճանաչվել մինչև 18 տարին լրանալը:

Ընդ որում, քույրը և եղբայրը համարվում են շահառու, եթե նրանց ծնողները կամ միակ ծնողը մահացած են կամ ունեն աշխատանքային գործունեությամբ զբաղվելու կարողության առնվազն երրորդ աստիճանի սահմանափակում։

Զինծառայողի հետ գրանցված ամուսնության մեջ չգտնվող և համատեղ զավակ ունեցող անձը:
Զինծառայողից ամուսնալուծված, սակայն համատեղ զավակ ունեցող անձը չի համարվում շահառու:
Վերոնշյալ կետերում սահմանված շահառուների բացակայության դեպքում շահառու է համարվում հատուցման դեպքը տեղի ունենալու օրվա դրությամբ այն անձը, ով եղել է զինծառայողի խնամքի տակ և ունեցել է հաշմանդամություն կամ աշխատանքային կենսաթոշակի իրավունք. խնամել է զինծառայողին մինչև նրա 18 տարին լրանալը:
Վերոնշյալ բոլոր շահառուների բացակայության դեպքում շահառու են համարվում նաև զինծառայողի եղբայրը և քույրը, եթե տվյալ զինծառայողների մասով նախկինում որևէ այլ շահառու գումար չի ստացել:

Արդյո՞ք սահմանված է ժամկետ՝ ԶԻՆԱՊԱՀԻ շահառու ճանաչվելու նպատակով դիմելու համար

Ի՞նչ փաստաթղթեր են ներկայացվում ԶԻՆԱՊԱՀԻ շահառու դառնալու համար

ԶԻՆԱՊԱՀԻ շահառու ճանաչվելու համար համապատասխան պետական մարմնին է ներկայացվում․

սահմանված ձևի դիմում (լրացվում է տեղում)․
զինծառայողին հաշմանդամ ճանաչելու մասին տեղեկանքն ու ստացած վնասվածքի կամ խեղման պատճառական կապի մասին համապատասխան պետական մարմնի կենտրոնական ռազմաբժշկական հանձնաժողովի որոշումը.
մահվան պատճառական կապի մասին բժշկասոցիալական փորձաքննություն իրականացնող իրավասու պետական մարմնի տված տեղեկանքը` մարտական գործողությունների ժամանակ ստացած վնասվածքի կամ խեղման պատճառով զինծառայողի մահացած լինելու վերաբերյալ.
զինծառայողին անհայտ բացակայող ճանաչվելու վերաբերյալ դատական ակտը.
հաշմանդամություն ունեցող զինծառայողի կամ օրենքով սահմանված շահառու հանդիսացող անձանց անձնագրերը (կամ նույնականացման քարտը).
օրենքով սահմանված շահառու հանդիսանալու հանգամանքը հաստատող այլ փաստաթղթեր` ամուսնության (ամուսնալուծության), ծննդյան կամ մահվան վկայականները, դատական ակտերը, տեղեկանքները և այլն։

Ընդ որում, դիմումը ստորագրում է շահառուն անձամբ կամ շահառուի լիազորած անձը՝ լիազորագրի առկայության դեպքում։

Շահառու ճանաչվելու համար անհրաժեշտ փաստաթղթերի ցանկը սահմանված է ՀՀ կառավարության 2017թ․ փետրվարի 2-ի 86-Ն որոշմամբ։

Ինչպե՞ս դիմել ԶԻՆԱՊԱՀԻ շահառու դառնալու համար

Հաշմանդամության 1-ին կամ 2-րդ խումբ ունեցող կամ ֆունկցիոնալության խորը կամ ծանր սահմանափակում ունեցող զինծառայողը կամ զոհված (անհայտ բացակայող ճանաչված) զինծառայողի ընտանիքի անդամը ԶԻՆԱՊԱՀԻ շահառու ճանաչվելու համար դիմում է այն համապատասխան պետական մարմնին, որտեղ զինծառայողը ծառայել է՝

ՀՀ պաշտպանության նախարարություն
ՀՀ ազգային անվտանգության ծառայություն
ՀՀ ներքին գործերի նախարարություն

Համապատասխան պետական մարմինը մեկամսյա ժամկետում որոշում է տվյալ դեպքով շահառուների շրջանակը, վճարման ենթակա գումարները և զինծառայողի դիմում փաթեթը ներկայացնում է ԶԻՆԱՊԱՀԻՆ՝ վճարում կատարելու համար։

ԶԻՆԱՊԱՀԸ 3 աշխատանքային օրվա ընթացքում ուսումնասիրում է ներկայացված դիմում փաթեթներում թերությունների և/կամ անճշտությունների առկայությունը։

Հայտնաբերելու դեպքում այդ մասին տեղեկացնում է համապատասխան պետական մարմնին շտկումներ կատարելու համար։ Այն դեպքում, երբ դիմում փաթեթն ամբողջական է և առանց թերությունների, ԶԻՆԱՊԱՀԸ գործընկեր բանկերում շահառուների անվամբ բացում է բանկային հատուկ հաշիվներ և միանվագ գումարը, ինչպես նաև ամսական հատուցման առաջին վճարման գումարը փոխանցում է այդ հաշիվներին։

Ինչպե՞ս է ներկայացվում դիմումը, եթե զինհաշմանդամություն ունեցող զինծառայողը գտնվում է անգիտակից վիճակում

Ի՞նչ է տեղի ունենում հատուցման հետ, եթե ընտանիքի անդամը ՀՀ-ում չէ կամ ունի փաստաթղթային խնդիր կամ դատական կարգով վիճարկվում է զինծառայողի ընտանիքի անդամի հատուցում ստանալու իրավունքը

Եթե զոհված զինծառայողի երեխան ծնվել է հոր մահից հետո, արդյո՞ք փոքրիկը նույնպես դառնում է շահառու

Կարո՞ղ եմ արդյոք փոխել բանկը, որի միջոցով կատարվում է ԶԻՆԱՊԱՀԻ հատուցման վճարները

Ինչպե՞ս է որոշվում յուրաքանչյուր շահառուին հասանելիք վճարման ենթակա գումարը

Որքա՞ն և ինչպե՞ս են վճարվում հատուցման գումարները

Ինչո՞վ է պայմանավորված տարբերությունը 2008-2016թթ․ և 2017թ․ հունվարի 1-ից հետո տեղի ունեցած դեպքերով վճարվող ամսական գումարների միջև

Իրականում գործող կառուցակարգերն ունեն մեկ հիմնական նպատակ՝ բացառել տարբերությունները 2008-2016թթ․ տեղի ունեցած և 2017թ․ հունվարի 1-ից հետո տեղի ունեցած դեպքերով վճարվող ամսական գումարների (չափերի) միջև։

Եթե դեպքը տեղի է ունեցել 2017թ․ հունվարի 1-ից հետո, ապա հաշմանդամություն ունեցող զինծառայողին կամ զոհված, անհայտ բացակայող ճանաչված զինծառայողի ընտանիքի անդամին պետական բյուջեից համապատասխան կենսաթոշակներ ու պարգևավճարներ չեն վճարվում։ Իսկ եթե դեպքը տեղի է ունեցել 2008-2016թթ․, ապա հաշմանդամություն ունեցող զինծառայողին կամ զոհված, անհայտ բացակայող ճանաչված զինծառայողի ընտանիքի անդամին պետական բյուջեից վճարվում են համապատասխան կենսաթոշակներ ու պարգևավճարներ։

Ըստ այդմ, եթե դեպքը տեղի է ունեցել 2008-2016թթ․, ապա հաշվի են առնվում այն կենսաթոշակներն ու պարգևավճարները, որոնք տրվում են՝ ելնելով կարգավիճակից (այսինքն, այն գումարները, որ տրվում են մարտական գործողությունների հետևանքով հաշմանդամություն ձեռք բերած զինծառայողներին, զոհված կամ անհայտ բացակայող ճանաչված զինծառայողների ընտանիքների անդամներին)։

2008-2016թթ․ տեղի ունեցած դեպքերով ամսական հավասար վճարի և պետական բյուջեից վճարվող կենսաթոշակների ու պարգևավճարների տարբերության չափով վճարումը նպատակ ունի ապահովել ԶԻՆԱՊԱՀԻ առաջնային սկզբունքներից մեկը՝ հավասար ֆինանսական հատուցումների տրամադրումը բոլոր շահառուներին։ Հակառակ դեպքում կունենանք մի իրավիճակ, երբ 2008-2016թթ․ տեղի ունեցած դեպքերով հաշմանդամություն ունեցող զինծառայողին կամ զոհված, անհայտ բացակայող ճանաչված զինծառայողի ընտանիքին տրվող ամսական գումարը կգերազանցի 2017թ․ հունվարի 1-ից հետո տեղի ունեցած դեպքերով տրվող ամսական հավասար վճարի չափը (քանի որ վերջինները չեն ստանում Պետական բյուջեից վճարվող կենսաթոշակներն ու պարգևավճարները)։

Ինչպե՞ս է սահմանվում շահառուներին վճարվելիք հատուցման գումարի չափը

Ի՞նչ եղանակով են կատարվում ԶԻՆԱՊԱՀԻ հատուցման գումարների վճարումները

Հատուցման գումարները վճարվում են անձամբ շահառուին կամ շահառուի համաձայնությամբ այլ շահառուի միջոցով։

Անչափահաս (անգործունակ) շահառուի գումարները վճարվում են նրա օրինական ներկայացուցչի (ծնողի, որդեգրողի, հոգաբարձուի կամ խնամակալի) միջոցով, կամ օրինական ներկայացուցչի համաձայնությամբ՝ այլ շահառուի միջոցով։

Միանվագ գումարը, ինչպես նաև ամսական հավասար առաջին վճարման գումարը ԶԻՆԱՊԱՀԸ շահառուի (կամ օրինական ներկայացուցչի) բանկային հատուկ հաշվին է փոխանցում շահառու ճանաչելու վերաբերյալ նիստից հետո 3 աշխատանքային օրվա ընթացքում։ Ամսական հավասարաչափ վճարումը շահառուի (կամ օրինական ներկայացուցչի) բանկային հատուկ հաշվին է փոխանցում տվյալ ամսվա ընթացքում՝ ըստ ԶԻՆԱՊԱՀԻ վճարման գրաֆիկի՝ ընթացիկ ամսվա 10-ին։ Շահառուն իրավունք ունի ցանկացած պահի դիմել ԶԻՆԱՊԱՀԻՆ՝ հատուցման գումարի իր մասնաբաժինը անձամբ իրեն վճարելու համար։

Անչափահաս (անգործունակ) շահառուի դպքում այդ դիմումը ներկայացնում է օրինական ներկայացուցիչը։ Դիմումը ներակայցվում է համապատասխան պետական մարմին, որտեղ ծառայել է զինծառայողը, կամ ԶԻՆԱՊԱՀԻՆ։ Ընդ որում, այս դեպքում հատուցման գումարը նոր դիմումի համաձայն վճարվում է այդ դիմումը ԶԻՆԱՊԱՀԻ ներկայացնելու ամսվան հաջորդող ամսվանից։

Ի՞նչ է տեղի ունենում հատուցման գումարի հետ շահառուի մահվան դեպքում

Արդյո՞ք հաշմանդամության վերանայման դեպքում շահառուն շարունակում է հատուցում ստանալ ԶԻՆԱՊԱՀԻՑ

Կարո՞ղ է արդյոք հատուցման գումարը լիազորագրի հիման վրա վճարվել այլ անձի կամ շահառուի նախընտրած բանկի միջոցով կամ կանխիկ եղանակով (օրինակ՝ եթե շահառուի բանկային հաշիվների վրա կիրառված է արգելանք ԴԱՀԿ-ի կողմից)։

Ինչպե՞ս փնտրել Ձեր նվիրատվությունը ԶԻՆԱՊԱՀԻ կայքում

Ինչպե՞ս կատարել նվիրատվություն Հայփոստի միջոցով

Ինչպե՞ս կատարել նվիրատվություն առցանց բանքինգ համակարգով

Ինչպե՞ս կատարել նվիրատվություն էլեկտրոնային դրամապանակների միջոցով

Ինչպե՞ս կատարել նվիրատվություն PayPal համակարգի միջոցով

Ո՞րն է ԶԻՆԱՊԱՀԻ հաշվեհամարը

Ինչպե՞ս կատարել նվիրատվություն կայքի միջոցով

Ինչպե՞ս կարելի է կամավոր աջակցել ԶԻՆԱՊԱՀԻ գործունեությանը

Ի՞նչ է պարտադիր դրոշմանիշային վճարը և որքա՞ն են այդ վճարների դրույքաչափերը

Պարտադիր դրոշմանիշային վճարը Հայաստանում աշխատող յուրաքանչյուր անձի կողմից պետական բյուջե փոխանցվող պարտադիր վճար է:

Ըստ ստորև սանդղակի, վարձու աշխատողները, անհատ ձեռներեցները և նոտարները վճարում են դրոշմանիշային վճար՝ պայմանավորված եկամուտի չափով։

Յուրաքանչյուր հաշվետու ժամանակաշրջանի համար`

1․ հարկային գործակալից կամ Հայաստանի Հանրապետության անունից կնքված և վավերացված պայմանագրերի դրույթների համաձայն` հարկային գործակալի պարտավորությունից ազատված անձից եկամուտ ստացող անհատ ձեռնարկատեր և նոտար չհանդիսացող ֆիզիկական անձինք դրոշմանիշային վճարը վճարում են հետևյալ դրույքաչափերով.

Մինչև 100,000 ՀՀ դրամ հաշվարկման բազայի դեպքում	1,000 դրամ
100,001-ից մինչև 200,000 ՀՀ դրամ հաշվարկման բազայի դեպքում	1,000 դրամ
200,001-ից մինչև 500,000 ՀՀ դրամ հաշվարկման բազայի դեպքում	1,000 դրամ
500,001-ից մինչև 1,000,000 ՀՀ դրամ հաշվարկման բազայի դեպքում	1,000 դրամ
1,000,001 ՀՀ դրամ և ավելի հաշվարկման բազայի դեպքում	15,000 դրամ

2․ Անհատ ձեռնարկատերերը, նոտարները, ինչպես նաև հարկային գործակալ չհանդիսացողից եկամուտ ստացող անհատ ձեռնարկատեր և նոտար չհանդիսացող ֆիզիկական անձինք դրոշմանիշային վճարը վճարում են հետևյալ դրույքաչափերով.

Մինչև 2,400,000 ՀՀ դրամ հաշվարկման բազայի դեպքում	12,000 ՀՀ դրամ
2,400,001-ից մինչև 6,000,000 ՀՀ դրամ հաշվարկման բազայի դեպքում	12,000 ՀՀ դրամ
6,000,001-ից մինչև 12,000,000 ՀՀ դրամ հաշվարկման բազայի դեպքում	12,000 ՀՀ դրամ
12,000,001 ՀՀ դրամ և ավելի հաշվարկման բազայի դեպքում	120,000 ՀՀ դրամ

Պարտադիր դրոշմանիշային վճարը գանձվում է զինծառայողների կյանքին և առողջությանը պատճառված վնասը հատուցելու նպատակով:

Ինչպե՞ս վճարել դրոշմանիշային վճարը

Արդյո՞ք ես պետք է կատարեմ դրոշմանիշային վճար

Ո՞ր դեպքերում է հնարավոր դիմել դրոշմանիշային վճարի գումարի վերադարձի համար

Ինչպե՞ս կարող եմ ծանոթանալ դրոշմանիշային վճարի վերադարձի առցանց դիմումի ամբողջական գործընթացին

Արդո՞ք անհրաժեշտ է ներկայացնել հաշվետվություն պարտադիր դրոշմանիշային վճարը կատարելիս

Արդյո՞ք անհրաժեշտ է կրկնակի դրոշմանիշային վճարը կատարել, եթե նույն անձը աշխատում է մեկից ավելի գործատուի մոտ

Ինչպե՞ս պետք է ԱՁ-ները, նոտարները, ինչպես նաև հարկային գործակալ չհանդիսացողից եկամուտ ստացող ԱՁ-ները և նոտար չհանդիսացող ֆիզիկական անձինք դրոշմանիշային վճար կատարեն

Անհատ ձեռնարկատերերի և նոտարների համար հաշվետու ժամանակաշրջան է համարվում օրացուցային տարին և ոչ ամիսը: Այն անհատ ձեռնարկատերերը, որոնք հաշվետու տարվա ընթացքում եկամուտներ չեն ստացել, չեն վճարում դրոշմանիշային վճար:

ԱՁ-ները, նոտարները, ինչպես նաև հարկային գործակալ չհանդիսացողից եկամուտ ստացող ԱՁ-ները և նոտար չհանդիսացող ֆիզիկական անձինք դրոշմանիշային վճարը կատարում են հետևյալ դրույքաչափերով.

Մինչև 2,400,000 ՀՀ դրամ հաշվարկման բազայի դեպքում	12,000 ՀՀ դրամ
2,400,001-ից մինչև 6,000,000 ՀՀ դրամ հաշվարկման բազայի դեպքում	12,000 ՀՀ դրամ
6,000,001-ից մինչև 12,000,000 ՀՀ դրամ հաշվարկման բազայի դեպքում	12,000 ՀՀ դրամ
12,000,001 ՀՀ դրամ և ավելի հաշվարկման բազայի դեպքում	120,000 ՀՀ դրամ

Երբ ԱՁ-ն չի կատարում օրենքով սահմանված ողջ պարտավորությունը, ապա օրենքի համաձայն՝ հարկային մարմինը որոշում է կայացնում դրոշմանիշային վճար վճարողից ժամանակին չվճարված գումարը գանձելու վերաբերյալ և այդ մասին պատշաճ ծանուցում դրոշմանիշային վճար վճարողին (հարկային գործակալին): Մինչև գումարի գանձման վերաբերյալ որոշման անբողոքարկելի դառնալը պարտավոր անձի գույքի վրա հարկային մարմինը կարող է դնել արգելանք կամ կիրառել սահմանափակում՝ Հայաստանի Հանրապետության հարկային օրենսգրքով սահմանված դեպքերում և կարգով: